Әйтмәмбет батыр

Беріш – Байбақты – Құсылбас – Бегіс – Қосай – Пыштанай - Даңғырұлы

Текебай батыр

Беріш – Байбақты – Құсылбас – Бегіс – Орман – Науырызұлы

Тәңір батыр

Беріш – Байбақты – Құсылбас – Бегіс – Құдайберді – Жалтырұлы

Тәңір – жоңғар шайқастарының бел ортасында жүрген батыр. Бегістің бәйбішесінен туған Құдайбердінің немересі.

Аманғали Кенжеахметұлы- (1887-1928) 1925 жылы Нарында Кеңес өкіметінің әділетсіздігіне қарсы болып, қуғын көрген. Жазықсыз жалалы болып «банды» атанған, әнші, сері, ел аузында палуан, өнерпаз, намысқой адам ретінде аңыздалатын тұлға.

Қондыбай шешен Байшағырұлы-Х1Х ғасырда өмір сүрген, сөзге шешен, әрі шебер етікші болған көрінеді.  Арал хазреттің  әкесі Үдердің туған інісі. Жәңгірхан заманында Саржала немересі Қойбас би Қондыбаймен барып, ханнан жер сұраулы.

Шынияз ақын – Исатай – Махамбет көтерілісіне бастан аяқ қатысыушы,  ақын-жыршы. 1839 жылы Шыман (шын аты Шынғали) бидің алдауына түсіп, көтерісшілер «Бекетай» құмында қоршауда қалады. Жәңгір хан қайынатасы Қарауыл қожаның жасақшылары мен казак-орыс әскері екі жақтан қыспаққа алып Исатай мен Махамбетті тұтқындаудың қамын көздейді.

Арал Хазрет Үдерұлы - Х1Х ғасырда өмір сүрген, діни сауатты, жоғары білім алған  адам. Себек –Бөрібастың Тума аталығынан тарайды. Кемесайдан-Байшағыр, одан- Үдер, одан-Арал (шын аты Сұлтануәйіс). Стерлітамақта дін оқуын бітіріп, елге Арал хазрет дәрежесімен оралған.

Айтуар би Үсенұлы - 1783-1856 жылдар аралығында өмір сүрген Жайық өңірінен шыққан қазақтың атақты билерінің бірі. Оның ата-тегі туралы қазақ шежіресінде былай таратылады: Кіші жүз Байұлының Беріш деген атасынан Байбақты одан Әсілбас, Шақай, Кұсылбас тарайды. Әсілбастан Себек пен Жанбыршы , Себектен Сары одан Үсен, Үсеннен Айтуар би туған. Ел арасында "Беріште Есет пен Айтуар" деген есім қосарлана айтылады.

Бегәлі би Батырбекұлы-1819 туылып, 1902 жылы қайтыс болған. Еділ-Жайық өңіріне белгілі белді рулардың бірі Беріш, оның бас биі Бөдене бидің шөбересі Бегәлі Батырбекұлы тағайындалады.

Бөдене Байтілеуұлы(1745-1799 ж.қ.б.)-18 ғасырда өмір сүрген би, Кіші жүздегі Беріш руының старшыны. Ата тегі Бөрібастан –Тума, одан Байтілеу, одан Бөдене туады. Сырым бастаған көтеріліске белсене қатысқан тарихи тұлға. Ол Сырым Датұлының Орынбор шекаралық комиссиясына жолдаған наразылық хатына қол қоюшылардың бірі болды.