Текебай батыр

Беріш – Байбақты – Құсылбас – Бегіс – Орман – Науырызұлы

      Текебай Науырыздың екінші әйелінен туған. Науырыздың өзі палуан, еліне, туыстарына сыйлы болған. Жоқ – жұпыныларға қайырымды, мейрімді, кәсіпке арам қоспаған, қазанды орта еткізбейтін, ырыздығы мол азамат, мерген, әр іске батыл болған. Қалмақтармен болған бір ұрыста, Анка деген қалмақ батырымен ұзақ шайқасып, Текебайдың жеңісімен аяқталады. Анканың жаны алқымға келгенде, тірі қалдыруды өтініп, сенімді іні болуға келісімін береді. Екеуі достасып, Анка Текебайға іні болып, елге келген. Елге келген соң, Анканы Зауза деген қазақ қызына үйлендіреді. Ақсақалдар үй салдырып, өз алдына ауыл етеді. Анка мен Закзадан Қойбағар, Қозыбағар атты екі ұл туған.